តាមឯកសារបានបង្ហាញថា ក្រោយពីប្រទេសយើងជួបប្រទះនូវសង្គ្រាមជាង២ទស្សវត្សកន្លងមក អ្វីៗទាំងអស់ បានប្រែប្រួល និងបាត់បង់ស្ទើរគ្រប់វិស័យ សូម្បីតែវិស័យសាសនាក៏ត្រូវបានបាត់បង់ដែរ។ ជាក់ស្តែង ដូចជាក្រុម ព្រាហ្មណ៍បុរោហិតដែលជាអ្នកប្រកាន់និកាយព្រាហ្មណ៍សាសនា គឺត្រូវគេបំបាត់ចោលទាំងស្រុង ព្រោះក្រុមនេះឯង ជាអ្នកប្រកាន់នូវលទ្ធិស្តេច ដូច្នេះប្រសិនបើប្រទេសគ្មានស្តេច ពួកបាគូបុរោហិតទាំងនោះក៏ត្រូវគេលប់បំបាត់ចោលដែរ។ ទើបតែមកដល់ឆ្នាំ១៩៩២-១៩៩៣ ក្រោយពីបពា្ចប់កិច្ចចរចាស្វែងរកសន្តិភាពជូនប្រទេសកម្ពុជាមក ព្រះបាទនរោត្តមសីហនុវរ្ម័ន ព្រះមហាក្សត្រនៃព្រះរាជាណាចក្រកម្ពុជាទ្រង់បានយាងនិវត្តចូលប្រទេស ពេលនោះទ្រង់ ក៏បានចេញរាជានុញ្ញាតអោយពួកមន្ត្រីទាំងឡាយក្នុងព្រះបរមរាជវាំងប្រកាសស្វែងរកបាគូបុរោហិតទាំងអម្បាលមាន នោះ អោយចូលមកធ្វើការក្នុងព្រះបរមរាជវាំងវិញ។
ក្នុងគ្រានោះបាគូ ដែលធ្លាប់ធ្វើការក្នុងព្រះបរមរាជវាំងតាំងពីសម័យសង្គមរាស្ត្រនិយមចំនួន១០នាក់ ដែលសព្វ ថ្ងៃគេឃើញនៅសល់តែ២នាក់ប៉ុណ្ណោះ ហើយសុទ្ធតែមានវ័យចំណាស់ទៀតផង។ លុះក្រោយមកលោកទាំងពីរ ក៏បាន ខិតខំស្វះស្វែងរកកូនចៅបាគូដែលធ្លាប់ធ្វើការជាមួយគ្នាពីមុនមកបានចំនួន៣នាក់ ហើយលោកក៏បានបណ្តុះបណ្តាល កូនចៅបង្កើតបានចំនួន៥នាក់ថែមទៀតទើបគម្រប់ចំនួន១០នាក់ដូចសម័យដើមវិញ។
ក្នុងគ្រានោះបាគូ ដែលធ្លាប់ធ្វើការក្នុងព្រះបរមរាជវាំងតាំងពីសម័យសង្គមរាស្ត្រនិយមចំនួន១០នាក់ ដែលសព្វ ថ្ងៃគេឃើញនៅសល់តែ២នាក់ប៉ុណ្ណោះ ហើយសុទ្ធតែមានវ័យចំណាស់ទៀតផង។ លុះក្រោយមកលោកទាំងពីរ ក៏បាន ខិតខំស្វះស្វែងរកកូនចៅបាគូដែលធ្លាប់ធ្វើការជាមួយគ្នាពីមុនមកបានចំនួន៣នាក់ ហើយលោកក៏បានបណ្តុះបណ្តាល កូនចៅបង្កើតបានចំនួន៥នាក់ថែមទៀតទើបគម្រប់ចំនួន១០នាក់ដូចសម័យដើមវិញ។
សរសេរដោយ អ្នកស្រាវជ្រាវ ឯកសារអេឡិចត្រូនិច ប៉ាន មូលដ្ឋានីយកម្មអក្ខរក្រម
No comments:
Post a Comment