|
បុរសដែលប្រកបដោយលក្ខណៈ ២៦ យ៉ាងហៅថាប្រុសគ្រប់លក្ខណ៌គឺៈ ១. ឧស្សាហ៍ខ្នះខ្នែងធ្វើការរៀនសូត្រមិនប្រកាន់ខ្លួន ២. មិនចេះលួចប្លន់កេងកិបឆរបោក ៣. មិនឈ្លានពានចំពោះកូនប្រពន្ធអ្នកដទៃ ៤. មិនរំភើបញាប់ញ័រ ភ័យអរផ្តេសផ្តាស ៥. មិនកុហកភូតភរ ឲលើសពីការពិត ៦. មិននិយាយត្រាប់ឲអៀនខ្មាស់ ៧ . បានឮដំណឹងហើយវិនិច្ឆ័យសិន ទើបជឿជាក្រោយ ៨. ធ្វើការមិនរួសរាន់ពេកមិនយឺតយូរពេក ៩. មិនចេះនិយាយបំភ្លើសសើចលេង ១០. ចេះទទួលភ្ញៀវពន្លឺមិនលាក់មុខ ១១. មានថ្នាំកែរោគបំរុងទុកមិនឲខ្វះពេលត្រូវការ ១២. មិនប្រាប់ការសម្ងាត់ដល់អ្នកដទៃ ១៣. មិនផ្ញើរបស់ទុកនឹងបុគ្គលមិនគួរផ្ញើ ១៤. មានចិត្តអត់ធន់តស៊ូមិនញ៉ាក ១៥. មានភក្តីភាពចំពោះចៅហ្វាយនាយ ១៦. មិនចេះឡឹកឡក់ចំពោះស្រីក្រមុំ ១៧. ស្គាល់ចំនេញស្គាល់ខាត ១៨. រកប្រដាប់តុបតែងខ្លួនឲភរិយាបុត្រធីតា និងខ្លួនឯង ១៩. មិនទិញជឿនូវរបស់ប្រើប្រាស់គ្រប់យ៉ាង ២០. ដឹងគុណ តបគុណ សរសើរគុណ នៃអ្នកមានគុណ ២១. គោរពតាមឱវាទ មាតាបិតាញាតិមិត្រ និងអ្នកប្រាជ្ញ ២២. ចេះអត់ទ្រាំស្តាប់ នូវពាក្យដែលគេស្តីបន្ទោសប្រដៅ ២៣. មានកាយវាចា សមរម្យមិនឆ្គង ២៤. ឲដំណឹងមនុស្សក្នុងផ្ទះហើយ ទើបចេញទៅ ២៥. ចេះវាយប្រដៅកូនដោយរំពាត់យ៉ាងតូច ២៦. ខឹងឆាប់បាត់មិនចងកំហឹងទុក៕ បុរសដែលប្រកបដោយលក្ខណៈគ្រប់ពេញទាំង ២៦ ហៅថាប្រុសគ្រប់លក្ខណ៍ បើមិនពេញលេញទេ មានខ្វះខាតខ្លះ ហៅថាប្រុសខាតលក្ខណ៍ បើមានតែត្រង់នេះខ្លះត្រង់នោះខ្លះរដាច់រដោច ហៅថាប្រុសដាច់លក្ខណ៍ ឬអាកំបាក់ទន្សា។ (ដកស្រង់ចេញពី សៀវភៅ សុជីវធម៌ប្រចាំគ្រួសារ ដោយ លោក សុង ស៊ីវ) |
Phin Hen
រីករាយដែលបានជួបអ្នកម្តទៀត។ អ្នកមិនគ្រាន់តែជាអ្វីដែលអ្នកបានគិតនោះទេ តែអ្នកប្រសើរជាងអ្វីដែលអ្នកបានគិត
Sunday, September 9, 2012
លក្ខណៈបុរសគ្រប់លក្ខណ៍
លក្ខណៈបុរសគ្រប់លក្ខណ៍
Subscribe to:
Post Comments (Atom)
No comments:
Post a Comment